As jy hier beland het, was dit dalk nie per ongeluk nie.
Miskien het jy net nodig gehad om weer te voel hoe dit is om asem te haal, sonder haas en sonder geraas.
’n Sagte ruimte in Afrikaans vir mense wat op soek is na iets… minder.
Minder stres. Minder geraas. Minder om te bewys.
Hier gaan dit oor stilte, bewuste beweging en asem wat jou terugbring na jouself. Geen wierookverpligtinge of ingewikkelde joga-posisies wat jou laat twyfel oor jou ruggraat nie. Net jy, jou asem en ’n bietjie ruimte om weer te kan voel.
Wat jy hier kan verwag:
By Stiltepad stap ons saam op die pad van stilte, of jy nuut is met meditasie of
al asemhaal soos ’n Zen-monnik voor ontbyt.
Jy kry asemwerkkklasse wat jou asem op ’n eenvoudige manier leer ken.
Van kalmering en fokus tot energie en innerlike transformasie.
Ons bied meditasie vir beginners en vir meer gevorderde beoefenaars,
aanlyn of in persoon.
En jy word deel van ’n gemeenskap waar jy net jouself mag wees,
stil of onrustig of spiritueel snaaks.
Kom soos jy is. Jy het net jou asem nodig.
Wat van werkswinkels?
Ons bied van tyd tot tyd aanlyn en in-persoon werkswinkels aan.
Alles word hier op die webwerf aangekondig. As daar iets is wat jou interesseer,
stuur gerus ’n e-pos. Geen vorms of ingewikkelde prosesse nie.
Net ’n eenvoudige “Hallo, ek’s in.”
Ons hou werkswinkels vir elke vlak, van beginners tot mense wat reeds ervaring het
en dieper wil werk. ’n Paar sal meer gevorderd wees vir dié wat verder wil gaan.
Jy hoef geen ervaring te hê vir die meeste werkswinkels nie.
Bring net jouself.